Система
Регистраци
Кěмелли


 Юмахсем
 Халапсем
 Юрăсем
 Сăвăсем
 Пурнăç йěрки
 Ваттисен сăмахěсем
 Ялсем
 Шупашкар
 Ссылкăсем

 Добавить
 Пěтěм список
 Хушмаллисем
 Шырамалли
 Сайт çинчен
 Инструкци

 

    Тилĕпе упа тус пулнă. Вĕсем пĕрле ĕçсе çинĕ. Вĕсен пĕр черес пыл пулнă.
    Ăна тилли вăрттăн çинĕ. Упи калать, тет:
    — Пыла кам çинĕ? — тесе калать, тет.— Эс çинĕ пуль!
    Тилли калать, тет:
    — Эп çимен, ху çинĕ пуль!— тесе калать, тет.
    Упи калать, тет:
    — Эп çимен!
    Тилли калать, тет:
    — Атя кăмакана кутăн тăрса хěртĕнер!— тесе калать, тет.— Камран пыл тухать, çав айăплă пулĕ.
    Упи калать, тет:
    — Атя, эппин, тăрар!
    Тăраççĕ, тет, кăмака хутнă чухне. Тăра-тăра упи çывăрсах кайнă, тет, Упи çывăрса кайнă, тет те, тилли пыл илнĕ, тет, упи çумне сĕркеленĕ, тет. Упана:
    — Тăр-ха!— тесе калать, тет.— Санран пыл тухрĕ,— тесе калать, тет.
    Упа айăплă пулчĕ, тилли тӳрĕ пулче, тет.

Тěп страницă
Статья ссылки :: Пичет версиĕ