Система
Регистраци
Кěмелли


 Юмахсем
 Халапсем
 Юрăсем
 Сăвăсем
 Пурнăç йěрки
 Ваттисен сăмахěсем
 Ялсем
 Шупашкар
 Ссылкăсем

 Добавить
 Пěтěм список
 Хушмаллисем  Шырамалли
 Сайт çинчен
 Инструкци

Get Firefox!
Чăваш халăх сайчĕ

Чăваш халăх канашлăвĕ
Рейтинг@Mail.ru
 Сĕрен юррисемпе такмакĕсем:
 

    Тимухха пичче-ев!
    Тянь-тянь тяппи-и!
    Кĕл вучахĕнче
    Икĕ çăмарти-и пулмĕ-ши-и?
    Ытах икĕ çăмарти пулмасан
    Уша юпи тăрринчи
    Икĕ пус укçи-и пулмĕ-ши-и?
    Эпир каламастпăр —
    Ачасем калаççĕ!
    
    * * *
    
    Эй, хуçа килте-и?
    Çапла-çапла çӳретпĕр,
    Авалхи йăлана пăрахмастпăр,
    Çĕнĕрен йăла кăлармастпăр.
    Тӳрчки çине мĕн утланать?
    Тараккана мĕн çиет?
    Хăнкăлана мĕн çиет?
    Вун ик кукăль, пĕр чĕрес сăра!
    
    * * *
    
    Пире сăра памасан
    Пички пăкки хуçăлтăр;
    Пире чăкăт памасан
    Ĕне сĕтне типĕттĕр;
    Пире çмарта памасан
    Чăххин кучĕ питрĕнтĕр.
    
    * * *
    
    П ĕ р и: Сĕрен! Сĕрен!
    У ш к ă н п а:
    Пире сăра памасан
    Чир-чĕр тухса ан кайтăр!
    П ĕ р и: Сĕрен! Сĕрен!
    У ш к ă н п а:
    Пире эрех памасан
    Чир-чĕр туртса хутлаттăр!
    Пĕри: Сĕрен! Сĕрен!
    У ш к ă н п а:
    Пире укçа памасан
    Киремечĕ тапăнтăр!
    П ĕ р и: Сĕрен! Сĕрен!
    У ш к ă н п а:
    Пире пăрçа памасан
    Шĕпĕнпеле аптратăр!
    П ĕ р и: Сĕрен! Сĕрен!
    У ш к ă н п а:
    Пире çмарта памасан
    Ирĕх çырлахма ан пĕлтĕр!
    П ĕ р и: Сĕрен! Сĕрен!
    У ш к ă н п а:
    Пире сĕт-çу памасан
    Ĕне сĕтне типĕттĕр!
    П ĕ р и: Сĕрен! Сĕрен!
    У ш к ă н п а:
    Кăна эпир ыйтмастпăр,
    — Пир(ĕ)н ачисем ыйтаççĕ.
    П у р т е: Сĕрен! Сĕрен!
    
    * * *
    
    Сĕрен! Сĕрен! Сĕрен!
    Паян пирĕн мĕскер тумалла? —
    Анатран тăвалла тухмалла.
    Айли кăна хайли ай хайли.
    Ах, тăвансем, пĕрле шут тăвар,
    Ялти ватăсене пуççапар.
    Ваттисене пуççапса пуç ӳкмĕ,
    Ваттисен пехилĕ çĕре ӳкмĕ.
    
    * * *
    
    Çак çĕрĕн тăршшĕпе çӳрекен —
    Карта урлă сикен кашкăр пек.
    Айлюк, айнур, айлим, ай-хайлим.
    
    Çак çĕрĕн тăршшĕпе çывракан —
    Сак айĕнче ларан шур хур пек.
    
    Урхамахсем урпа çиеççĕ,
    Шăлĕсем шанасса пĕлмеççĕ.
    
    Пире çиекенсем çиеççĕ,
    Хăйсем мĕн курасса пĕлмеççĕ.
    
    * * *
    
    Кĕçĕр йăва çиетпĕр,
    Ыран пăтă çиетпĕр.
    Кĕçĕр сĕрен! теетпĕр,
    Ыран мункун! теетпĕр.
    
    * * *
    
    Сĕрен те сĕрен тееççĕ,
    Ыран та мункун тееççĕ.
    Вун икĕ чăрăш пĕр кутран:
    Тăрринчен татас, шан тăвас,
    Çурринчен çурас, çурт тăвас.
    Тăмана тытрăм, хуплу турăм
    Шăнтарай умне кучченеç.
    
    * * *
    
    Сĕрен, сĕрен терĕмĕр,
    Сĕрен çитсе иртсе кайрĕ.
    Халĕ паян мункун пулать,
    Мункун пăтти çиетпĕр,
    Ыран яшка çиетпĕр.
    Чир-чĕрсене тартрăмăр,
    Халĕ сывă пурнатпăр.
    Карчăккисем юрлаччăр,
    Стариккисем ташлаччăр.
    
    * * *
    
    Упи каçман çырминчен эпир каçса килтĕмĕр.
    Упи тухман вăрманчен эпир тухса килтĕмĕр.
    — Эй, аппа, тус аппа, тус аппа, пире кала-ха.
    Çӳл ампарта вир пăтти — çиейресчĕ çупала...
    — Йытă кулли пултăрах, йытă кулли пултăрах.
    
    Хĕвел анать, каç пулать, выляйрасчĕ хĕрпеле.
    — Кĕтни харам пултăрах, кĕтни харам пултăрах.
    
    Ашшĕ хаяр тееççĕ, ашшĕ хаяр тееççĕ.
    — Алтăр тĕпĕ сыв пултăр, алтăр тĕпĕ сыв пултăр.
    
    Амăш хаяр тееççĕ, амăш хаяр тееççĕ.
    — Курка тĕпĕ сыв пултăр, курка тĕпĕ сыв пултăр.
    
    Пиччĕш хаяр тееççĕ, пиччĕш хаяр тееççĕ.
    — Черкке тĕпĕ сыв пултăр, черкке тĕпĕ сыв пултăр!
    
    Инкĕш хаяр тееççĕ, инкĕш хаяр тееççĕ.
    — Енчĕк тĕпĕ сыв пултăр, енчĕк тĕпĕ сыв пултăр!


Тěп страницă
Статья ссылки :: Пичет версиĕ

Admin тӳрлетнě, информацие 2006-08-23 22:52:30 вăхăтра улăштарнă. 5194 хут пăхнă.
Powered by Gold Wiki, Hosting by Chuvash.Org/Roleplay.Ru, Idea by P-Code, 2005