Чăваш юррисем, юмахěсем, халапěсем:

    Пĕр çын хăй айĕнчи лашине виçĕ кун шыранă, тет. Пĕр яла пырса ыйтать, тет:
    — Лаша курмарăр-и? — тет.
    — Çук, курмарăмăр, — тесе калаççĕ, тет.
    Тата тепĕр яла пырса ыйтать, тет:
    — Лаша курмарăр-и? — тет.
    — Çук, курмарăмăр, — тесе калăççĕ, тет.
    Çапла ялтан яла тек çӳрет, тет. Çӳресен-çӳресен, пĕр ăслăрах çынна тĕл пулнă, тет те:
    — Эсĕ ăçта та пулин ют лаша çӳренине курман-и? — тесе калать, тет.
    — Çук, курман, — тесе каларĕ, тет. — Хăçан çухалчĕ санăн лашу? — тесе каларĕ, тет, ку çынни.
    — Паянхипе виçĕ кун ĕнтĕ ак, — тесе каларĕ, тет, лаша шыраканни.
    — Лашу мĕн тĕслĕччĕ? — тесе ыйтрĕ, тет, леш çынни.
    — Шурă улаччĕ, — тесе каларĕ, тет, лаша шыраканни.
    — Çак ху айăнтиех мар-и? — тесе каларĕ, тет, леш çынни.
    Хайхи юланут çинчен анса пăхрĕ, тет те, лашине:
    — Çакă, çакă, çакă! — терĕ, тет.
    Лаши çине сиксе утланчĕ, тет те, савăнса чуптара пачĕ, тет, килне.

Тěп страницă

Статья ссылки :: Пичет версиĕ

Admin тӳрлетнě, информацие 2006-07-30 14:41:53 вăхăтра улăштарнă. 10394 хут пăхнă.