Система
Регистраци
Кěмелли


 Юмахсем
 Халапсем
 Юрăсем
 Сăвăсем
 Пурнăç йěрки
 Ваттисен сăмахěсем
 Ялсем
 Шупашкар
 Ссылкăсем

 Добавить
 Пěтěм список
 Хушмаллисем
 Шырамалли
 Сайт çинчен
 Инструкци

 

    Пурăннă, тет, пĕр ялта Иванпа амăшĕ. Пурăнсан-пурăнсан, Иван амăшĕ ывăлне авлантарма шутлать. Вара ял çине кин шырама михĕ йăтса тухса каять. Урамăн варринелле çитсен, çынсене калать:
    — Камăн çӳп-çап пур, пурте мана парăр! — тет.
    Пурте кун патнелле çӳп-çап йăтса чупаççĕ, тет. Пĕр çамрăк чиперкке хĕр ун çывăхĕнчен иртсе пынă пулнă. Иван амăшĕ калать, тет:
    — Хĕрĕм, сирĕн çӳп-çап çуккă-им?
    Хĕрĕ калать, тет:
    — Çукка çав, эпир çийĕнчех тăкса пынă, — тесе калать, тет.
    — Ну, ку ман кин пуласси! — тесе каларĕ, тет, Иван амăшĕ.
    Вара кун патне хăтана ячĕç, тет, хĕре качча илчĕç, тет. Халĕ те аван пурăнаççĕ, тет.

Тěп страницă
Статья ссылки :: Пичет версиĕ