Нихçан никам ăнланайми тĕнче,
Самант пире телей илсе килет те,
Самант çав телеех туртса илет.
Кулатпăр-и куççулĕ тухиччен,
Йĕретпĕр-и куççулĕ юлмиччен,
Турри пире темле шăпа пӳрсен те,
Вăл панă ĕмĕт пит кĕске иккен!
Тавах кун-çулăма, тавах, тавах,
Тем-тем курса ăнлантăм эп хамах —
Тĕнче хитре. Çак тĕнчене юратăр,
Ыр çынсене юратăр уйрăмах.
Тĕнче хитре хĕвел кулса тăрсан,
Тĕнче хитре чун канăçлă пулсан.
Чăвашăмсем, пĕрне-пĕри каçарăр,
Пĕрне-пĕри ыр сунăр кăмăлтан.
Ёак ĕмĕр тăрăх утăр юрăпа,
Тус-тантăшпа та савнă мăшăрпа,
Пĕрне-пĕри вăй парăр, вут хыптарăр
Юратупа та ăшă сăмахпа.
Тавах, тăванăмсем, тавах сире,
Эсир — кашни пĕри — ман чĕрере.
Шăп сирĕнпе пулма Турри çырнишĕн
Телейлĕ тетĕп хамăн ĕмĕре.
Валерий Яковлева"Сувар" №1 (472) 05.01.2003 хаçачěнчен илнě