Система
Регистраци
Кěмелли


 Юмахсем
 Халапсем
 Юрăсем
 Сăвăсем
 Пурнăç йěрки
 Ваттисен сăмахěсем
 Ялсем
 Шупашкар
 Ссылкăсем

 Добавить
 Пěтěм список
 Хушмаллисем  Шырамалли
 Сайт çинчен
 Инструкци

Get Firefox!
Чăваш халăх сайчĕ

Чăваш халăх канашлăвĕ
Рейтинг@Mail.ru
 Упапа хěрача:
 

    Пěрисен пăру çухалнă. Ачисем пăрăва шырама тухса кайрĕç, тет.
    Акă пĕр хĕрачи пырать вăрманпа. Инçех мар упа му-у-у тени илтĕнет. Хĕрача пăру тесе пырать те, упа хĕрачана шăтăкне тытса кĕрет.
    Пурăнсан-пурăнсан, хайхи хĕрача упа патĕнче пурăнсах каять. Упа аван пăхать: пыл та çу тупса пырса çитерет.
    Пĕррехинче хĕр калать:
    — Упа, аттесем патпе хăнана каясчĕ те.— тет.
    Упи килĕшрĕ. Кучченеçсем илчĕç те кайрĕç. Хăйсен ял çĕрĕсем патне çитсен, хěр калать:
    — Ку пирĕн аттен ыраш ани,— тет.
    Упи:
    
Аçун ыраш анине 
Шыра-шыра пырар-и!—

    тесе пырать, тет.
    Хĕрĕ:
    — Ку пирĕн аттен урпа ани,— тет.
    Упи:
    
Аçун урпа анине 
Уртăна-уртăна каçар-и!—

    тесе пырать, тет.
    Хĕрĕ:
    —Ку акă пирĕн аттен пăри ани,— тет.
    Упи:
    
Аçун пăри анине 
Пăрăна-пăрăна каçар-и!,—

    тесе пырать. Тет.
    Хĕрĕ:
    — Ěнтĕ аттен сĕлĕ анине çитрĕмĕр,—тет.
    Упи:
    Аçун сĕлĕ анине
    
Сĕрле-сĕрле каçар-и! —
тесе пырать, тет.

    Хĕрĕ:
    — Халĕ аттен тулă ани тĕлне çитрĕмĕр,—тет.
    Упи:
    
Аçун тулă анине
Тулла-тулла каçар-и!—

    тесе пырать. тет.
    Çапла юрла-юрла çитрĕç, тет. Кĕчĕç, тет те, хĕрĕн ашшĕ-амăшĕ те, хани-вĕрли те тĕлĕнчĕç кайрĕç, тет. Çапах та майласа хăналаççĕ, тет.
    Упи, ырă пăхнипе савăнса, хĕпĕртенĕ, тет, юрлама пуçларĕ, тет:
    
Ах, ыр çыннăм, ыр çынçăм, 
Санăн ыраш уйĕпе килтĕмĕр. 
Шыра-шыра килтĕмĕр— 
Урпа уйĕпе килтĕмĕр—
Уртăна-уртăна килтĕмĕр. 
Пăри уйĕпе килтĕмĕр— 
Пăрăна-пăрăна килтĕмĕр. 
Сĕлĕ уйĕпе килтĕмĕр— 
Сĕрле-сĕрле килтĕмĕр. 
Тулă уйĕпе килтĕмĕр— 
Тулла-тулла килтĕмĕр,—

    тесе юрлать, тет.
    Килтисем хĕрне каялла упапа ярасшăн мар, тет, упана вĕлерес тесе кавар тăваççĕ, тет. Сак алăкне уçрĕç, тет, сакайне шĕл-кăвар лартрĕç, тет, тимĕр сенĕк тăратрĕç, тет, çиелтен кĕççе сарчĕç, тет, упана ларма вырăн хатĕрлеççĕ, тет.
    Хĕрĕ сиснĕ, тет те, юрлать, тет:
    
Ан лар, упа мучи, ан лар, 
Сак алăкне уçса хунă, 
Шĕл-кăвар çунса выртать. 
Тимĕр сенĕк лартнă, 
Хура кĕççе сарна.

    Упи чухлаймарĕ, тет, лартнă çĕре ларчĕ, тет. Ларса ĕлкереймерĕ, тет, сакайне кайса, сенĕкпе тирĕнсе, шĕл-кăварпа çунса вилчĕ, тет.


Тěп страницă
Статья ссылки :: Пичет версиĕ

Admin тӳрлетнě, информацие 2005-07-31 17:07:19 вăхăтра улăштарнă. 4575 хут пăхнă.Тип: Чăваш Ен.
Powered by Gold Wiki, Hosting by Chuvash.Org/Roleplay.Ru, Idea by P-Code, 2005