Чăваш юррисем, юмахěсем, халапěсем:

    Икĕ çын çулпа пынă, тет. Вĕсем иккĕш те вырăсла лайăх пĕлнипе мухтанаççĕ, тет. Пĕри:
    — Торокă талекко твой? — тесе калать тет.
    Тепри:
    — Хватайт ищĕ, — тесе калать тет.
    Малтанхи татах мухтанать, тет. Мухтанса пынă вăхăтра чĕлĕмĕнчен хĕм сирпĕнсе сăхманĕ çунма тытăнчĕ, тет.
    Тепри:
    — Армяк корти, твой, — тесе калать, тет.
    — Ăнланмастăп тесе калатним, ăнланатăп, — тесе калать, тет.
    — Кориш вĕт! — тет тепри.
    — Пĕлетĕп, пĕлетеп, — тет ку.
    — Армяк корит, армяк! — тет тепри.
    — Снаю, снаю, — тет ку.
    — Ну, сăхману çунать вĕт ĕнтĕ, мĕн пуçна каçăртса пыран! — тесе калать, тет, тепри, тӳсеймесĕр чăвашлах.
    — Эй-яй! Ма паçăрах каламастăн, çунса каятăп вĕт! — терĕ, тет, ку.

Тěп страницă

Статья ссылки :: Пичет версиĕ

Admin тӳрлетнě, информацие 2006-07-30 17:43:54 вăхăтра улăштарнă. 8647 хут пăхнă.