Эп те — Варя,
Иксĕмĕр те — Варясем.
Эс те — вăрă,
Эп те — вăрă,
Иксĕмĕр те — вăрăсем.
Сан ал — куккăр,
Ман ал — куккăр,
Эппин, эпĕр — "куккăрсем".
Эс те курман,
Эп те курман,
Пулнă эпĕр суккăрсем.
Сан та — кермен,
Ман та — кермен,
Чаплă пирĕн керменсем!
Сисмерĕмĕр:
Керменсенчен
Пулчĕç тăчĕç тĕрмесем.
Эс те ларан,
Эп те ларап —
Тахçан çапла кирлĕ те.
Эс те КУРАН,
Эп те КУРАП
Умри шутсăр кирпĕче...
Александр Савельев-Сас"Сувар" №3 (474) 17.01.2003 хаçачěнчен илнě